Маладафронтаўцы працягваюць марафон нацыянальнага сцяга «Люблю Беларусь». У рамках акцыі на цэнтральных плошчах некалькіх гарадоў Беларусі былі вывешаны Бел-чырвона-белыя сцягі: у Бабруйску, Маладзечне, Жлобіне.
А вось у Магілёве, піша сайт mfront.net, юнакоў, якія мелі намер аздобіць горад нацыянальным сцягам, увесь дзень пераследавала машына АМАПа.
«АМАП увесь дзень за намі ездзіў, — кажа адзін з удзельнікаў марафону. — Здымалі нас на відэакамеру. Куды мы, туды й яны. На «Джылі», пасля на «Газелі», пасля на пікапе».
Вывешваннем бел-чырвона-белых сцягоў маладафронтаўцы хочуць нагадаць беларусам пра іх нацыянальныя і грамадзянскія правы. Яны абяцаюць працягваць марафон і надалей. У задуме штодзень сцяг павінен быў з'яўляцца ў новым горадзе.
0
0
0
0
0
0