Удзельнікі акцыі АГП супраць міліцэйскага гвалту атрымалі штрафы ад 4 да 10 млн рублёў
Старшыню Аб'яднанай грамадзянскай партыі Анатоля Лябедзьку і актывіста партыі Мікалая Казлова суд Ленінскага раёна Мінска 16 лютага аштрафаваў на 50 базавых велічыняў (10,5 млн. рублёў), актывістку АГП Вольгу Маёраву — на 20 базавых велічынь (4,2 млн. рублёў).
На пасяджэнні разглядаліся адміністрацыйныя пратаколы за ўдзел у пікеце супраць міліцэйскага гвалту каля будынку Вярхоўнага суда 30 студзеня.
«Рашэнне прагназаванае. Я ў пачатку пасяджэння выказаў недавер суддзі і сказаў, што рашэнне суда ўжо падрыхтаванае і мне дадуць штраф 50 базавых», — паведаміў Лябедзька.
Паводле яго слоў, актывісты партыі, хутчэй за ўсё, будуць абскарджваць рашэнне, каб затым дайсці са скаргамі да Камітэта ААН па правах чалавека.
30 студзеня ля будынка Вярхоўнага суда прайшла ініцыяваная Лябедзькам акцыя салідарнасці са збітымі АМАП у судзе Фрунзенскага раёна сталіцы грамадскімі актывістамі Максімам Шыцікам і Паўлам Сяргеем і карэспандэнтам партала tut.by Паўлам Дабравольскім, а таксама супраць насілля ў дачыненні да грамадзян з боку супрацоўнікаў міліцыі. У акцыі ўдзельнічалі прыблізна 15 чалавек.
Цяпер чытаюць
«Я не хачу адпускаць жыццё». У пісьменніцы Святланы Курс рак на позняй стадыі5
Каментары