Следчы камітэт высвятляе абставіны забойства 22-гадовага жыхара вёскі Пінкавічы Пінскага раёна.
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, цела маладога чалавека з колата-рэзаным раненнем у вобласці грудной клеткі знайшлі ў аўтамабілі ў Пінску 15 лютага ў 4.30 выпадковыя прахожыя.
Побач з загінулым знаходзіўся яго 20-гадовы аднавясковец, у якога была пашкоджаная тазасцегнавая артэрыя. Супрацоўнікі хуткай дапамогі, якія прыбылі на месца здарэння, даставілі пацярпелага ў рэанімацыйнае аддзяленне мясцовай бальніцы.
Пінскім міжраённым аддзелам СК па гэтым факце распачатая справа па ч. 1 арт. 139 КК (забойства) і ч. 1 арт. 14 да п. 1 ч. 2 арт. 139 КК (замах на забойства двух асоб).
Паводле папярэдняй версіі, ноччу 15 лютага ў адным з бараў Пінска здарыўся канфлікт з удзелам гэтых маладых людзей. Пасля гэтага яны для высвятлення адносін накіраваліся ў двары дамоў у спальным мікрараёне горада.
На месцы здарэння працавалі следчыя ўпраўлення Следчага камітэта па Брэсцкай вобласці, выкарыстоўвалася перасоўная крыміналістычная лабараторыя СК.
Падазраваны ва ўчыненні забойства затрыманы. Звесткі аб ім пакуль не выдаюцца.