Зараз пасажырам плацкартных і купэйных вагонаў за ложак трэба заплаціць 15 тысяч рублёў. Пасажырам фірмовых цягнікоў і вагонаў «СВ» — яшчэ больш.
У пасажырскай службе Беларускай чыгункі ўдакладнілі: новыя цэны дзейнічаюць са студзеня. Да гэтага такі ж набор абыходзіўся ў 11 тысяч.
Тым, хто вырашыць адпачыць у плацкарце і купэ фірмовых цягнікоў за бялізну прыйдзецца выкласці 20 тысяч рублёў. А ў вагонах «СВ» — 30 тысяч рублёў.
Пры гэтым у цягніках міжнародных зносін, прычапных і бесперасадачных вагонах БЧ цана ложка ўваходзіць у кошт квітка.
Акрамя таго ў кошт камплекта ўваходзіць не толькі набор з дзвюх прасцін, навалачак і ручніка, але таксама карыстанне іншымі пасцельнымі рэчамі — матрацам, падушкай.
0
0
0
0
0
0
