Нагадаем, матэрыялы справы былі перададзеныя ў суд з пракуратуры Мінскай вобласці ў пачатку красавіка. У канцы лютага псіхіятрычная экспертыза, што праводзілася ў Рэспубліканскай клінічнай псіхіятрычнай бальніцы «Навінкі» (Мінск), прызнала ў 29‑гадовага мінчаніна стан бессвядомасці.
Справа, у якой канстатуецца, што малады чалавек здзейсніў забойства непаўналетняй, перададзена ў суд для прыняцця ў адносінах да яго прымусовых мер бяспекі і лячэння.
Абвінавачанне ў здзяйсненні злачынства, прадугледжанага п. 2 ч. 2 арт. 139 КК (наўмыснае забойства заведама непаўналетняга), было прад’яўлена мінчаніну 11 студзеня — да заключэння псіхіятрычнай экспертызы. З санкцыі пракурора ён быў арыштаваны.
Цела другакласніцы Бяларуцкай сярэдняй школы (Лагойскі раён Мінскай вобласці) было знойдзена супрацоўнікамі крымінальнага вышуку 3 студзеня пад будаўнічым вагончыкам каля ляснога масіву прыкладна ў сямі кіламетрах ад пасёлка Бяларучы, дзе дзяўчынка жыла з маці, і ў двух кіламетрах ад садаводства «Лясное‑90».
Устаноўлена, што смерць дзяўчынкі наступіла ў выніку гвалтоўных дзеянняў. І.Кужэльная знаходзілася ў вышуку з 23 лістапада 2007 года.
