Беларуская міліцыя адмовілася ад вулічных затрыманняў у часе несанкцыянаваных акцый пратэсту, заявіў на прэс-канферэнцыі ў аўторак міністр унутраных спраў Беларусі Ігар Шуневіч.
«Безумоўна, і нашае стаўленне да гэтых мерапрыемстваў трохі трансфармавалася, і рыторыка змянілася як знешняя, так ўнутрыпалітычная, — патлумачыў Шуневіч. — Я думаю, што мы сёння знайшлі алгарытм, які задавальняе ўсіх, дастаткова цывілізаваны. Падкрэсліваю — прымальны з пункту гледжання дзяржаўнай улады і цывілізаваны з пункту гледжання міжнародных патрабаванняў алгарытм рэагавання на гэтыя дзеянні».
Пры гэтым ён адзначыў, што міліцыя карае арганізатараў і актыўных удзельнікаў такіх акцый.
«Мы ніводнае з гэтых мерапрыемстваў не пакідаем без увагі, рэагуем, складаем адміністратыўныя пратаколы і накіроўваем іх у суд», — удакладніў міністр.
Цяпер чытаюць
Азараў закрыў план «Перамога» і перавёў усіх удзельнікаў у рэзерв12
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве2828
Каментары