Reuters.com
Прынамсі 20 гадоў спатрэбіцца Украіне, каб уступіць у Еўрапейскі саюз ці НАТА. Пра гэта заявіў у чацвер, 3 сакавіка, прэзідэнт Еўракамісіі Жан-Клод Юнкер, выступаючы ў Нідэрландах, перадае Europe Online-Magazine.
«Украіна дакладна не будзе здольнай стаць членам ЕС наступныя 20-25 гадоў, гэта ж тычыцца і сяброўства ў НАТА», - сказаў Юнкер.
Гэтую заяву ён зрабіў у кантэксце рэферэндуму, які адбудзецца ў красавіку ў Нідэрландах адносна Пагаднення аб асацыяцыі паміж ЕС і Украінай.
Прэзідэнт Еўракамісіі сказаў, што некаторыя нідэрландскія выбаршчыкі няправільна ўспрынялі пагадненне як першы крок Украіны да сяброўства ў ЕС.
Прэзідэнт Украіны Пятро Парашэнка спадзяецца атрымаць перспектыву сяброўства Украіны ў ЕС да 2020 года.
0
0
0
0
0
0
