Маці і двое дзяцей загінулі на пажары ў Асіповічах, паведамілі ў Магілёўскім абласным упраўленні МНС.
Паведамленне пра пажар у жылым аднапавярховым, двухкватэрным доме па вул. Кірава ў Асіповічах паступіла ў ноч з 12 на 13 сакавіка.
Калі ратавальнікі прыбылі да месца выкліку, адкрытым полымем гарэлі дах, веранда і сарай. Гаспадар знаходзіўся на вуліцы. Ён паведаміў, што ўнутры знаходзяцца людзі — жанчына з двума дзецьмі 2000 і 2007 гадоў нараджэння.
Спецыялісты газадымаахоўнай службы на падлозе знайшлі целы маці і дзяцей.
Прычына пажару высвятляецца.
0
0
0
0
0
0