Мама Андрэйкі Семіліта, які рабіў у шпіталі снегавічкоў: «У нас 100% рэмісія! Як я вам усім удзячная!»
«Вельмі шмат хочацца напісаць, хочацца крычаць ад радасці каб чуў ўвесь свет, — напісала Алёна Семіліт у фэйсбук. — Я не стамлюся паўтараць, як я ВАМ УСІМ УДЗЯЧНАЯ!!!!!!!!!!!!»
Маленькі ўкраінскі хлопчык Андрэйка Семіліт знаходзіцца ў Беларусі, ён праходзіць хіміятэрапію ў Гомелі, ў стацыянары. Для замежнікаў лячэнне ў Беларусі платнае. Родныя Андрэйкі збіраюць грошы сярод землякоў у Чаркасах. Валанцёры дапамагаюць ім у Беларусі.
Каб сабраць патрэбныя 35 тысяч даляраў, хлопчык ўласнаручна шыў навагодніх снегавікоў. Цана вырабу — 120 грыўняў, або 5 даляраў, або 90 тысяч беларускіх рублёў.
Чытайце таксама: За чатыры дні 4-гадоваму хлопчыку сабралі грошы на лячэнне і замовілі 6 тыс. цацак
Па словах мамы Андрэя, у мінулы чацвер была зробленая апошняя пункцыя, якая была вырашальнай. Наперадзе шмат яшчэ дзён хіміятэрапіі для падтрымання вынікаў, аналізаў і амаль яшчэ дзясятак пункцый.
«У нас 100% рэмісія!!!!! Цяпер я разумею, што гэтыя 10 месяцаў хваляванняў, веры, слёз, у пастаяннай вайне за жыццё майго золатка пройдзеныя і далі вельмі добрыя вынікі! Я ўдзячная за кожнае паведамленне, ліст, каментар, рэпост, вядома за кожную капейчыну. Дзякуючы Вам, мы змаглі шмат!», — напісала Алена.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары