Дзяржпагранкамітэт Беларусі размясціў у інтэрнэце графік працы пунктаў спрошчанага пропуску на каталіцкі Вялікдзень.
Так, на літоўскім кірунку, пункт пропуску «Відзы» будзе працаваць штодня кругласутачна, «Кемелішкі» — з 10.00 да 17.00 27 і 28 сакавіка; «Мальдзевічы» — з 8.00 да 20.00 у летні перыяд (з 27 сакавіка да 29 кастрычніка) у панядзелак, аўторак, сераду, чацвер; «Лынтупы» — з 8.00 да 20.00 у летні перыяд у пятніцу, суботу, нядзелю. Пункт пропуску «Парэчча» будзе працаваць з 9.00 да 19.00 да 26 сакавіка ўключна, з 8.00 да 18.00 з 27 сакавіка штодня; «Геранёны» — з 11.00 да 17.00 па суботах і нядзелях, а таксама 10 мая; «Пяцюлеўцы» — з 11.00 да 17.00 27 і 28 сакавіка, 10 мая і па пятніцах, суботах і нядзелях; «Доцішкі» — з 9.00 да 19.00 штодня; «Піцкуны» — з 12.00 да 17.00 27 сакавіка, 1 і 10 мая (пропуск ажыццяўляецца толькі для грамадзян, якія ідуць пешшу).
Што тычыцца латвійскага кірунку, «Гаўрыліна» будзе працаваць з 09.00 да 17.00 26 і 27 сакавіка пры наяўнасці заявак; «Плюсы» — з 9.00 да 17.00 26 і 27 сакавіка.
У Дзяржпагранкамітэце звярнулі ўвагу, што мяжу можна перасякаць пешшу, на роварах і асабістых легкавых аўтамабілях. Пры сабе неабходна мець пашпарт з візай сумежнай дзяржавы.
Пры перасячэнні мяжы на аўтатранспарце неабходна прад'явіць пасведчанне аб рэгістрацыі транспартнага сродку, дагавор страхавання «Зялёная карта», заключаны са страхавой арганізацыяй Беларусі.
У пунктах спрошчанага пропуску перасякаць мяжу маюць права грамадзяне, якія пастаянна пражываюць на памежнай тэрыторыі. На згаданых памежных пераходах ажыццяўляецца толькі пагранічны кантроль, таму дазволена перамяшчаць тавары (рэчы) для асабістага карыстання, прадугледжаныя пералікам.
Дадатковую інфармацыю можна атрымаць па тэлефоне ў Мінску 8-017-216-26-12 (кругласутачна).
