Дзякуючы прафесійным дзеянням супрацоўнікі аддзела ДАІ Маскоўскага РУУС г. Мінска па гарачых слядах затрымалі 41-гадовага раней судзімага мінчука, які нанёс удар нажом жанчыне ў краме. Пра інцыдэнт паведамляе прэс-служба сталічнай міліцыі.
… У краму спіртных напояў па вуліцы Громава ў горадзе Менску зайшлі мужчына і жанчына. Яны доўга вызначаліся з купляй. Было прыкметна, што мужчына знаходзіцца ў стане алкагольнага ап'янення, а ў яго спадарожніцы на твары былі бачныя сляды ад збіцця.
Як пазней патлумачыла адна з прадаўцоў, у яе склалася ўражанне, што жанчына не збіраецца нічога набываць, а хоча ёй нешта паведаміць. Магчыма, папрасіць дапамогі. Заўважыўшы гэта, мужчына знянацку ўдарыў жанчыну нажом у вобласць спіны і хутка выйшаў з крамы, пакінуўшы спадарожніцу ляжаць на падлозе ў лужыне крыві.
Персанал гандлёвай кропкі паведаміў пра здарэнне па тэлефоне міліцыі «102». Аператыўны дзяжурны зарыентаваў бліжэйшы да месца падзей нарад міліцыі. Не больш за 10 хвілін спатрэбілася экіпажу аддзела ДАІ Маскоўскага РУУС Мінска, каб нагнаць хулігана. Пры затрыманні ён супраціву не аказаў. А калі даведаўся, што нанесеная сужыцельцы траўма вельмі сур'ёзная, прызнаўся ў зробленым і заявіў, што не жадаў наступлення цяжкіх наступстваў.
Медыкі даставілі пацярпелую ў бальніцу, дзе была дыягнаставана закрытая чэрапна-мазгавая траўма лёгкай ступені, страсенне мазгоў, колата-рэзаная рана паяснічнай вобласці з пашкоджаннем міжрабрыннай артэрыі, скразным раненнем аорты, закрытая траўма жывата і разрыў правай долі печані. Нягледзячы на ўсе намаганні медыцынскіх работнікаў, якія некалькі дзён змагаліся за жыццё пацярпелай, жанчыну выратаваць не ўдалося …
У ходзе расследавання было ўстаноўлена, што беспрацоўная пацярпелая і 41-гадовы мужчына жылі разам. Раней ён неаднаразова прыцягваўся па арт. 147 Крымінальнага кодэкса Рэспублікі Беларусь за наўмыснае прычыненне цяжкага цялеснага пашкоджання, і па арт. 186 КК РБ за пагрозу забойствам, прычыненнем цяжкіх цялесных пашкоджанняў або знішчэннем маёмасцю. Больш за тое, у дачыненні да яго, акрамя пазбаўлення волі, абіраліся і такія меры пакарання, як прымусовае лячэнне ад алкагольнай залежнасці. На момант здзяйснення дадзенага злачынства мужчына ўхіляўся ад выплаты аліментаў за сваё непаўнагадовае дзіця.
Увага! Просьба ўстрымацца ад прагляду відэа непаўналетнім, цяжарным, уражлівым і асобам з аслабленым здароўем.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары