Вялікай суботай завяршаецца Страсны (Вялікі) тыдзень, Вернікі ўспамінаюць пакуты і смерць Ісуса Хрыста і рыхтуюцца да свята Яго ўваскрашэння.
Вялікдзень каталікі, пратэстанты і ўніяты адсвяткуюць заўтра, 27 сакавіка.
Сёння ў храмах праходзіць асвячэнне велікодных страваў. Паводле традыцыі, у святочным кошыку абавязкова павінны быць хлеб, вяндліны, яйка і соль. Хлеб нагадвае пра «хлеб жывы, які сышоў з нябёсаў», вяндліны ці велікодны баранак — пра ўспамін аб пасхальным баранку, яйка — сімвал новага жыцця, якое нясе ўваскрослы Хрыстос, соль ахоўвае людзей ад сапсаванасці.
Пасхальная вігілія, якая адбываецца ў ноч Уваскрасення, лічыцца найважнейшай вігіліяй на працягу ўсяго касцёльнага года.
Таксама сёння асвячаюць ваду.
0
0
0
0
0
0
