26.03.2016 / 13:21

Дзень Волі ў Нью-Ёрку ФОТА

Дзень Волі беларусы Нью-Ёрку святкавалі ў клюбе Мерыдыян 23. У праграме акрамя прывітанняў і кароткіх дакладаў былі віктарына на тэму беларускай мовы, культуры і гісторыі і конкурс, у якім з 3,5 або 8 нот патрэбна было адгадаць назву беларускай песні ці мелодыі. Пасля гэтага выступаў госць Зміцер Вайцюшкевіч і трошкі пазней да яго далучыўся Зміцер Слеповіч. Пасля канцэрту была латарэя, у якой разыгралі рэчы з беларускай сімволікай.

Удзельнікі святкавання перад уваходам у клуб. У форме - Зміцер Левіт.

Асадкі-сувеніры ручной працы. Некаторыя маюць сапраўдныя маркі БНР.

Алла Орса-Рамана зачытвае віншаванне ад Старшыні Рады БНР Івонкі Сурвіллы.

Узнагарода пераможцаў віктарыны. Удзельнікі каманды (злева направа) Дзяніс Талпека, Ігар Маханёк Ілля Куніцкі.

Конкурс для дзяўчат «Адгадай мелодыю».

Зміцер Вайцюшкевіч і спантанная група падтрымкі.

Зміцер збіраецца пацалаваць руку адной з наймалодшых удзельніц святкавання ў падзяку за букет кветак.

Песня пра сцяг.

Сяргей Трыгубовіч