Пяцёра зламыснікаў за ноч вынеслі з тэрыторыі прадпрыемства ў Ашмянах амаль тону дызельнага паліва, паведамілі ў прэс-службе УУС Гродзенскага аблвыканкама.
Чацвёра мясцовых і жыхар Гомельскай вобласці запрыкмецілі на стаянцы прадпрыемства два грузавыя аўтамабілі. На працягу ўсёй ночы яны пералазілі праз плот і злівалі з незакрытых бакаў паліва. Здабылі такім чынам амаль тону саляркі.
Супрацоўнікі крымінальнага вышуку вылічылі зламыснікаў. Адзін з іх, як высветлілася, раней быў судзімы за аналагічнае злачынства.
Распачатая крымінальная справа па ч.2 арт.205 КК (крадзеж, учынены паўторна або групай асоб). Санкцыя па гэтым артыкуле прадугледжвае да 4 гадоў пазбаўлення волі.
0
0
0
0
0
0