Самалёт «Белавія» рэйсам на Харкаў вярнуўся ў аэрапорт Мінск у выніку няспраўнасці, на борце быў у тым ліку Барыс Грабеншчыкоў
«На борце самалёта «Белавія» (мадэль CRJ), які ляцеў сёння ноччу ў Харкаў, узнікла няспраўнасць. Быў моцны хлапок, пасля чаго ў салоне патыхнула гарэлым, — напісаў нам чытач «Нашай Нівы» Канстанцін. — У выніку самалёт вярнуўся ў Мінск, доўга выпрацоўваў паліва, пасля чаго паспяхова сеў у суправаджэнні пажарных машын і карэт хуткай. Праз нейкі час пасажыраў адправілі ў Харкаў іншым бортам, ужо Embraer-ам».
«Цікава, што пасажырамі рэйса былі ўдзельнікі групы «Акварыум» і сам Барыс Грабеншчыкоў, што ляцелі на канцэрт ва Украіну», — адзначае Канстанцін, які працуе scrum-трэнерам у міжнароднай кампаніі.
Згодна з раскладам палётаў аэрапорта Харкаў, рэйс з Мінска («Эмбраер») прыбыў 4 красавіка а 2.39 замест 0.15 па раскладзе.
У раскладзе «Белавія» ў адзін час пазначаны вылеты на Харкаў і на Мінск у 23.00 і вяртанне CRJ 100/200 у Мінск у 23.57.
Як патлумачылі «Нашай Ніве» ў аддзеле маркетынгу авіякампаніі «Белавія», у CRJ спрацавала сігналізацыя, што шасі не прыбрана. У выніку камандзір прыняў рашэнне выпрацаваць паліва і вярнуцца ў Мінск.
Цяпер чытаюць
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё5
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары