Заўтра ў Беларусі адзначаецца Дзень здароўя. У Баранавічах па завядзёнцы ў гэты дзень цалкам забаранялі продаж алкаголю.
Але сёлета ўлады зрабілі інакш. Вырашылі абмежаваць продаж спіртнога, але ўсяго на паўдні: з 0:00 да 14:00 гадзін.
Мы патэлефанавалі ў аддзел ідэалогіі баранавіцкага гарвыканкама з пытаннем, чаму баранавічане змогуць заставацца цвярозымі толькі паўдня.
Нам адказалі, што аддзел ідэалогіі тут увогуле ні пры чым, гэтае рашэнне прымалася ў аддзеле гандлю.
У сваю чаргу, у аддзеле гандлю кажуць, што «ім трэба выконваць план».
0
0
0
0
0
0
