Упраўленнем Следчага камітэта па г. Мінску распачата крымінальная справа па прыкметах злачынства, прадугледжанага ч.1 арт. 14 і ч.4 арт.209 Крымінальнага кодэкса Рэспублікі Беларусь (замах на махлярства, здзейсненае ў асабліва буйным памеры) у дачыненні да мінчука, 1968 года нараджэння.
Мужчына падазраецца ў намеры завалодаць грашовымі сродкамі страхавой кампаніі ў сувязі са знішчэннем яго аўтамабіля Maserati Quattroporte, застрахаванага па варыянце поўнага каска на 65 тыс. даляраў ЗША, якія адбыліся пры сумнеўных абставінах у апошні дзень дзеяння страхавога поліса.
31 студзеня 2016 года каля апоўначы ўладальнік аўтамабіля звярнуўся ў ДАІ і паведаміў, што паблізу пасёлка Прывольны Мінскага раёна, на 366 км аўтадарогі М-1 «Брэст — Мінск — мяжа Расійскай Федэрацыі», ён стаў удзельнікам ДТЗ, у выніку якога яго транспартны сродак цалкам згарэў. Супрацоўнікамі дарожна-патрульнай службы зарэгістраваны факт здарэння, на месцы якога выяўленыя ровар і згарэлы аўтамабіль.
Кіроўца растлумачыў, што на праезнай часткі перад аўтамабілем раптоўна з'явіўся чалавек, які каціў ровар, і кіроўца спыніўся, каб ухіліцца ад сутыкнення. Аўтамабіль зачапіў левым бокам кузава ці то ровар, ці то пешахода і з'ехаў у кювет. Палічыўшы, што апошняму можа спатрэбіцца дапамога, кіроўца выйшаў на дарогу, аднак нікога не знайшоў. У гэты час «Maserati» загарэўся, патушыць яго не ўдалося.
5 лютага мінчук звярнуўся ў страхавую кампанію з заявай аб выплаце яму страхавога пакрыцця.
У ходзе папярэдняй праверкі, атрыманая ад уладальніка аўтамабіля інфармацыя не знайшла свайго пацверджання. Акрамя таго, шэраг выкладзеных ім фактаў абвяргаецца заключэннямі спецыялістаў Дзяржкамітэта судовых экспертыз.
У прыватнасці, пажарна-тэхнічнай экспертызай выключана верагоднасць пажару ад аварыйных рэжымаў працы электрычнай прыроды. А па выніках аўтатэхнічнай экспертызы, на паверхні ровара не выяўлена напластаванняў лакафарбавых, палімерных матэрыялаў і гумы, якія маглі ўтварыцца пры кантакце з аўтамабілем.
Яшчэ шэраг фактараў дазваляе сцвярджаць, што ровар доўгі час не эксплуатаваўся. Не ўстаноўлена таксама асоба, якая са слоў кіроўцы знаходзілася з роварам на дарозе ў гэты час, не выяўлена і слядоў яго знаходжання.
Следства звяртаецца да грамадзян, якія могуць аказаць садзейнічанне ў расследаванні звестакі аб уладальніку ровара, а таксама іншай інфармацыяй наконт апісаных падзей. Вы можаце звярнуцца па наступных тэлефонах: (017) 395-75-67, (017) 395-75-26.
Канфідэнцыйнасць гарантуецца.
Каментары