Дарожна-транспартнае здарэнне адбылося сёння раніцай, 13 красавіка, каля вёскі Новы Двор Мінскага раёна, паведамілі ў АДАІ Мінскага РУУС.
Мінчанка, знаходзячыся за рулём аўтамабіля «Шкода Фабія», на закругленні дарогі выехала на сустрэчную паласу. Там яна ўрэзалася ў машыну «Сузукі СХ4», якой таксама кіравала жыхарка сталіцы.
Кіроўца «Шкоды» патлумачыла, што стамілася пасля начнога дзяжурства, села за руль і проста заснула. Жанчына была дастаўленая ў бальніцу з пераломам перадплечча.
Больш у аварыі ніхто не пацярпеў.
0
0
0
0
0
0