МУС: Затрыманне «Тэрор-Машыны» адбывалася пры садзейнічанні ўкраінскага боку
Сёння ў газеце Адміністрацыі прэзідэнта выйшаў артыкул «Таўра няма дзе ставіць», прысвечаны 20-гадоваму віцебскаму неанацысту Стасу Ганчарову, які быў напярэдадні арыштаваны беларускімі праваахоўнікамі.
З новай інфармацыі, што раней не паведамлялася, друкуецца каментар супрацоўнікаў ГУБАЗіК, якія і праводзілі затрыманне.
«Ганчароў у нас ішоў пад першым нумарам у спісе тых баевікоў, якія падлягаюць затрыманню ў выпадку вяртання ў Беларусь. Міжнародная сістэма апавяшчэння аб з’яўленні такіх асобаў на мяжы спрацавала адладжана, у тым ліку пры садзейнічанні ўкраінскага боку. Справа ў тым, што перамяшчэнне падобных мярзотнікаў знаходзіцца пад кантролем праваахоўнікаў. Ніводнай нармальнай краіне нявыгадна, каб адмарожаныя баевікі знаходзіліся на волі, неслі пагрозу, прыязджаючы дадому са зброяй, пакалечанай псіхікай, злачыннымі намерамі», — гаворыцца ў паведамленні ГУБАЗіК.
Паводле словаў супрацоўнікаў МУС, яны будуць настойваць, каб Стаса Ганчарова прыцягнулі да крымінальнай адказнасці не толькі па артыкуле «Хуліганка», але і за распальванне расавай і нацыянальнай варажнечы.
-
МЗС Польшчы: «Памагатары» ў рэгістрацыі на падачу на візы перасталі быць эфектыўнымі
-
Кавалеўскі: Ціханоўскія не разумеюць далікатнасці і складанасці гуманітарнага трэку, які прывёў да вызвалення 300 палітвязняў
-
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім34
Каментары