У сувязі з тым, што ў гэтым годзе Дзень працы прыйшоўся на адзін дзень з праваслаўным Вялікаднем, фармат правядзення святочных мерапрыемстваў некалькі змяніўся.
Масавыя шэсці і мітынгі ў Менску 1 мая праводзіцца не будуць. Пра гэта паведаміў старшыня Мінскага гарадскога аб'яднання арганізацый прафсаюзаў Мікалай Беланоўскі на аператыўнай нарадзе ў Мінскім гарадскім выканаўчым камітэце.
Традыцыйна да Першамая абновяць алею славы, дошкі гонару, у працоўных калектывах будуць ушаноўваць ветэранаў працы.
1 мая ў 10.00 адбудзецца ўскладанне кветак да помніка Леніна на плошчы Незалежнасці. А ў 12.00 пачнецца свята ў парку імя Горкага. Гараджан павіншуюць са Святам працы прадстаўнікі гарадскіх уладаў і Федэрацыі прафсаюзаў Беларусі. У святочнай праграме — выступленні творчых калектываў і конкурсы. Таксама будуць працаваць атракцыёны.