president.gov.by
Аб гэтым кіраўнік дзяржавы заявіў сёння, адказваючы на пытанні журналістаў.
«Гэта толькі спроба падступіцца да выкрыцця карупцыйных дзеянняў гэтай сусветнай мафіі, на чале якой палітыкі. Ды і сярод журналістаў іх нямала, нават тых выданняў, якія былі прыцягнутыя нібыта да расследавання па «Панамскім скандале». Казаць пра тое, што гэта моцная антыкарупцыйная хваля, не варта», — лічыць кіраўнік дзяржавы.
Разам з тым, Аляксандр Лукашэнка адзначыў станоўчы бок у тым, што адбылося: «Хоць на нейкі час нягоднікаў, якія крадуць, трохі прыстрашыць».
«Але ёсць і іншы бок: будуць больш хітрэйшымі, як кралі, так і будуць красці. Не знайшлося яшчэ такога метаду ў свеце, каб ударыць па карупцыянерах у самы цэнтр. Паглядзім, што будзе далей. А вось гэты ўвесь вэрхал з нічога і ёсць той палітычны складнік. Вядома, яна больш палітычная, чым практычная. Але ўвесь свет убачыў, наколькі карумпаваны гэты самы свет», — сказаў кіраўнік краіны.
«Гэта там, сярод багатых, хто мае велізарныя даходы ад нафты і газу — таго, што госпад ўсім даў, менавіта там гэтыя асноўныя карупцыянеры. Галоўныя — гэта палітыкі, — лічыць Аляксандр Лукашэнка. — Калі б сярод палітыкаў не было карупцыянераў, іх не было б і сярод спартсменаў, журналістаў, творцаў… «.
Кіраўнік дзяржавы ўпэўнены, што калі б, напрыклад, у амерыканцаў было жаданне паказаць карупцыйны складнік усяго свету, то гэта было б зроблена.
«Бо ўсё гэта ў асноўным у валюце, далярах. А кожны даляр у амерыканскіх фінансавых структур перад вачыма. Яны ведаюць, куды ідуць грошы, дзе іх хаваюць», — сказаў Аляксандр Лукашэнка.
«Тыя, хто багацейшы, і тыя краіны, грамадзяне якіх самыя багатыя, там больш за ўсё карупцыі. Але ім гэта не трэба. Яны стрэлілі, можна сказаць, па вераб'ях», — дадаў беларускі лідар.
