З сённяшняга дня тарыф на uberX складзе 18 000 рублёў (было 22 000 рублёў) за пасадку, 3700 рублёў (было 5000 рублёў) за кіламетр, 500 рублёў за хвіліну. Кошт паездкі ў аэрапорт не змяніўся — 350 000 рублёў.
Як паведамілі ў кампаніі, зніжэнне цаны паездак на uberX было прадыктавана высокай эфектыўнасцю работы сэрвісу ў горадзе, якая забяспечваецца за кошт таго, што заказ на аўтамабіль адпраўляецца бліжэйшаму кіроўцу. Павышэнне эфектыўнасці выяўляецца і ў тым, што кіроўца здзяйсняе больш паездак у гадзіну. Даступныя цэны на паездкі матывуюць карыстальнікаў выклікаць Uber часцей, што забяспечвае кіроўцу замовамі. Чым больш заказаў выконвае кіроўца і чым больш часу кіроўца знаходзіцца з пасажырам, тым вышэйшы яго заробак.
| Прыклад маршруту | Арыенціровачны кошт паездкі да 29 красавіка | Арыенціровачны кошт паездкі з 29 красавіка |
| Чыгуначны вакзал — Парк Горкага | 41 820 — 48 028 рублёў | 33 460 — 38 425 рублёў |
| Раён арт. метро «Няміга» — «Мінск-Арэна» | 60 517 — 72 840 рублёў | 48 415 — 58 270 рублёў |
| Раён вуліцы Кастрычніцкай — раён плошчы Свабоды | 38 831 — 43 984 рубля | 33 000 — 35 200 рублёў |
Таксама ў Uber адзначылі, што сярэдні час падачы аўтамабіля ў Мінску за апошні месяц зменшыўся амаль на хвіліну і складае ўсяго 4,9 хвіліны.
