Кіраўнік Нацбанка Беларусі Павел Калаўр сустрэўся ў Варшаве з прэзідэнтам Нацбанка Польшчы Марэкам Белькам. Сустрэча прайшла 28 красавіка ў рамках афіцыйнага візіту дэлегацыі беларускага рэгулятара ў польскі Нацбанк. Тэмай сустрэчы сталі актуальныя пытанні пашырэння ўзаемадзеяння цэнтральных банкаў дзвюх краіны.
Паводле інфармацыі прэс-службы Нацбанка, падчас перамоваў бакі абмяняліся інфармацыяй аб выніках сацыяльна-эканамічнага развіцця краінаў у І квартале 2016 года, распавялі пра характарыстыкі банкаўскіх сістэм і асаблівасці грашова-крэдытнай палітыкі ў дзвюх дзяржавах.
Сярод асобных накірункаў далейшага супрацоўніцтва абмяркоўвалі магчымасці прыцягнення Беларуссю міжнароднай тэхнічнай дапамогі па праграмах Еўрапейскага Саюза.
0
0
0
0
0
0
