Праваахоўныя органы пакуль не каментуюць спробу самаспалення мужчыны на Кастрычніцкай плошчы Мінска ўвечары 28 красавіка.
Інфармацыя аб здарэнні спачатку з'явілася ў сацсетках ад відавочцаў, затым пра гэта паведаміў тэлеканал «Беларусь 1». Перадавалася, у прыватнасці, што супрацоўнікі АМАП прадухілілі акт самаспалення мужчыны — аператыўна пачалі яго тушыць, а затым выклікалі хуткую дапамогу. Пацярпелы з сур'ёзнымі апёкамі быў дастаўлены ў бальніцу.
Паводле наяўнай інфармацыі, мужчына здзейсніў гэты ўчынак у стане адчаю: пасля скасавання шлюбу яму абмежавалі сустрэчы з дзіцем, а звароты ў розныя інстанцыі — суды і нават Адміністрацыю прэзідэнта — не далі плёну. Згодна са звесткамі тэлеканала, у дачыненні да гэтага чалавека раней было складзена 17 пратаколаў аб адміністрацыйных правапарушэннях.
