Жанчына хацела сесці ў маршрутку, пакуль яна стаяла на святлафоры, але кіроўца не адчыніў ёй дзверы
Усё здарылася ў суботу, 30 красавіка, у Брэсце, на скрыжаванні вуліц Леніна і Міцкевіча.
— Нейкая жанчына ўлезла на скрыжаванні ў маршрутку і пачала біцца з кіроўцам! — распавядае відавочца здарэння Зміцер.
Аказваецца, прычынай канфлікту стала тое, што кіроўца не дазволіў жанчыне сесці ў маршрутку ў неналежным месцы. Пасажырка хацела ўскочыць у салон, пакуль аўтамабіль стаяў на святлафоры. У маршрутцы аўтаматычная дзверы, і кіроўца яе проста не адкрыў. Жанчына раззлавалася, адкрыла пярэднія дзверы і наляцела на кіроўцу з кулакамі.
Каб утаймаваць незадаволеную жанчыну, прыйшлося выклікаць нарад міліцыі. Чым скончылася бойка - невядома.
0
0
0
0
0
0