Мабільныя датчыкі кантролю хуткасці з 2 па 31 мая будуць адсочваць сітуацыю на двух участках дарогі ў Мінску, паведамілі ў СЗАТ «Бяспечныя дарогі Беларусі».
Так, 2, 4, 6, 8, 12, 14, 16, 18, 20, 22, 24, 26, 28 і 30 мая прыборы будуць змантаваныя па праспекце Незалежнасці, 156, а 3, 5, 7, 11, 13, 15, 17, 19, 21, 23, 25, 27, 29 і 31 мая датчыкі папрацуюць на скрыжаванні праспекта Незалежнасці і вуліцы Рагачоўская.
У сваю чаргу ў УДАІ УУС Мінгарвыканкама нагадалі пра тое, што 2 і 3 мая з 19.00 да 21.00 рух усіх відаў транспартных сродкаў на ўчастку праспекта Незалежнасці ад вуліцы Янкі Купалы да вуліцы Казлова будзе закрыты. Абмежаванні ўводзяцца ў сувязі з трэніроўкай зводнай роты ганаровай варты на плошчы Перамогі.
0
0
0
0
0
0
