На мінулым тыдні знішчальнікі НАТА, якія нясуць дзяжурства ў паветранай прасторы краін Балтыі, пяць разоў суправаджалі ваенныя самалёты Расіі, што праляталі ў міжнароднай паветранай прасторы над Балтыйскім морам.
У сваю чаргу, у суботу, 30 красавіка, на адлегласці 8 марскіх міль ад тэрытарыяльных вод Латвіі была выяўленая расійская падводная лодка «Палтус» (праект 877, па кадыфікацыі НАТА — Kilo), паведамляе LETA.
26 красавіка дыслакаваныя ў Шаўляі знішчальнікі былі паднятыя для апазнання расійскага самалёта, які ўзляцеў у Калінінградскай вобласці. Адзначаецца, што знішчальнік СУ-27 ляцеў без прадстаўлення палётнага плана, з выключаным транспондарам і не падтрымліваў сувязі з цэнтрамі кіравання палётамі.
0
0
0
0
0
0
