Фота з Вікіпедыі.
Вайскоўцы ЗША пачалі выпрабаванні найбуйнейшага ў свеце беспілотнага вайсковага карабля.
Пра гэта паведамляе The Associated Press.
Карабель Sea Hunter (Марскі паляўнічы) мае патэнцыял не толькі для вайсковых, але і для камерцыйных мэтаў.
Судна было распрацавана агенцтвам Пентагона DARPA і абароннай фірмай Leidos. Два гады ён будзе праходзіць выпрабаванні ля берагоў Каліфорніі. Па словах прадстаўніка DARPA Джарэда Адамса, беспілотныя судны зменшаць небяспеку для людзей у часе ваенных аперацый.
На этапе тэсціравання на борце Sea Hunter будуць знаходзіцца спецыялісты, але кіраванне будзе ажыццяўляцца аўтаматыкай. Узбраення на дадзеным тыпе судна няма, яго першачарговай задачай з'яўляецца выяўленне дызель-электрычных падводных лодак.
Прагназаваны кошт 40-метровага карабля адносна невялікі — каля $20 млн, а эксплуатацыйныя выдаткі $15—20 тысяч на дзень робяць яго адносна недарагім для амерыканскіх вайскоўцаў.
ЗША бачыць пагрозу ў падводных чаўнах Расіі і Кітая.
