 |
Амаль 15 тысяч чалавек сталіся ахвярамі цыклёну «Наргіс», які абрынуўся ў суботу на Бірму з хуткасьцю, якая дасягала 190 км/г.
Як перадаюць дзяржаўныя сродкі масавай інфармацыі, зь якіх пераважная большасьць — жыхары найбуйнейшага гораду краіны Рангуну
і рэгіёну Ірравадзьдзі.
Пры гэтым назіральнікі падкрэсьліваюць: колькасьць ахвяр стыхіі можа расьці й далей — з прасоўваньнем ратавальнікаў па раёнах, якія аказаліся адрэзанымі ад сьвету.
Зонай стыхійнага бедзтва аб’яўлены пяць раёнаў Бірмы.
Паводле слоў прадстаўніка ўпраўленьня ААН па надзвычайных сытуацыях Рычарда Хорсі, у даху над галавой і пітной вадзе тэрмінова маюць патрэбу некалькі сотняў тысяч бірманцаў. Аднак, дадаў ён, дакладна ацаніць колькасьць пацярпелых немагчыма, бо ў выніку ўдару стыхіі значныя пашкоджаньні зазнала дарожная сетка й тэлефонная сыстэма.
ААН і міжнародныя арганізацыі ўжо накіравалі ў найбольш пацярпелыя раёны свае каманды экспэртаў, хоць і не атрымлівалі афіцыйнай просьбы пра дапамогу з боку вайсковай хунты, якая ўладарыць у Бірме.
