Удзельнік «Правага сектара» Тарас Аватараў (да 2011 года меў прозвішча Поспіх) асуджаны на 5 гадоў калоніі ўзмоцненага рэжыму без канфіскацыі маёмасці. Прысуд быў вынесены сёння, 5 мая, у судзе Фрунзенскага раёна Мінска.
Аватараў быў прызнаны вінаватым у незаконных дзеяннях у адносінах да зброі і боепрыпасаў, а таксама ў кантрабандзе (ч. 2 арт. 295 і ч. 2 арт. 228 КК). Кожны з артыкулаў прадуглежваў па чатыры гады зняволення, але ў выніку суміравання Аватараў асуджаны на пяць гадоў.
Адвакат Хрысціна Марчук заявіла журналістам, што прысуд будзе абскарджаны.
29-гадовы жыхар Наваполацка Тарас Аватараў, які вярнуўся ў Беларусь пасля знаходжання ў зоне правядзення ва Украіне АТА, быў затрыманы на чыгуначным вакзале ў канцы лістапада.
У яго была бронекамізэлька, сігнальны пісталет, выбуховае прыстасаванне, зробленае з аскепкавай гранаты для станковага гранатамёта.