DPA
Мюнхенская «Баварыя» датэрмінова выйграла чэмпіянат Германіі па футболе, абыграўшы на выездзе «Інгальштадт» з лікам 2:1.
Абодва мячы мюнхенскай каманды забіў польскі нападаючы Роберт Левандоўскі. Адзіны гол «Інгальштата» забіў з пенальці Морыц Хартман.
Галоўны канкурэнт «Баварыі» — дортмундская «Барусія» — у паралельным матчы прайграла «Айнтрахту» з лікам 1:0.
У выніку за тур да канца чэмпіянату «Баварыя» здолела адарвацца ад канкурэнтаў на восем ачкоў і датэрмінова гарантаваць сабе чацвёрты запар чэмпіёнскі тытул.
Гэта ўжо 26-я перамога ў вышэйшай футбольнай лізе ФРГ у гісторыі «Баварыі». Па гэтым паказчыку яна застаецца рэкардсменам. За ёй з вялікім адрывам ідуць дортмундская і мёнхенгладбахская «Барусіі», у актыве якіх па пяць тытулаў.
