Іракскія вайскоўцы заявілі, што знайшлі лабараторыю ІД па вытворчасці хімічнай зброі.
Лабараторыя была знойдзена ў горадзе Хіт, што знаходзіцца на захадзе краіны. Нядаўна іракскія ваенныя аднавілі кантроль над гэтым горадам.
У лабараторыі былі вялікія запасы хлору і іншых атрутных матэрыялаў, а таксама абсталяванне для вытворчасці хімічнай зброі.
Паведамленні пра тое, што баевікі ІД выкарыстоўвалі задушлівы газ, паступалі і раней. Напрыклад, ён выкарыстоўваўся пры нападзе на горад Таза ў Іраку. Жыхары паведамляюць, што баевікі абстралялі горад ракетамі, начыненымі атрутнымі рэчывамі. Некалькі сотняў чалавек атруціліся.
У пачатку сакавіка амерыканскія ваенныя захапілі жыхара Ірака, які распрацоўваў хімічную зброю для ІД.