Фота Юліі Бальцэвіч
Пра гэта распавёў начальнік службы гідраметэаралагічных прагнозаў Рэспубліканскага гідраметцэнтра Дзмітрый Рабаў.
Першую частку тыдня надвор'е будуць фармаваць халаднаватыя і вільготныя паветраныя масы з паўночнага захаду Еўропы. Сярэдняя тэмпература прагназуецца на 1—3°С ніжэй за норму.
У аўторак, 17 мая, ноччу па паўднёвым усходзе, днём на большай частцы тэрыторыі кароткачасовыя дажджы. Удзень месцамі навальніцы. Ноччу і раніцай у асобных раёнах слабы туман. Тэмпература ноччу +1 — +8°С, месцамі на глебе слабыя замаразкі да 0 — -1°С; днём +11 — +17°С.
У сераду ноччу месцамі, днём на большай частцы тэрыторыі кароткачасовыя дажджы. Днём у асобных раёнах навальніцы. Ноччу і раніцай месцамі туман. Тэмпература ноччу +2 — + 7°С, днём +11 — + 17°С.
У другой частцы тыдня ў краіну накіруецца больш цёплая паветраная маса з Атлантыкі.
У чацвер, 19 мая, месцамі кароткачасовыя дажджы, днём магчымы навальніцы. Ноччу і раніцай у асобных раёнах туман. Тэмпература ноччу +2 — + 7°С, днём +14 — +20°С.
У пятніцу месцамі кароткачасовыя дажджы, днём магчымы навальніцы. Тэмпература ноччу +3 — + 9°С, днём +15 — + 22°С.
У выходныя чакаецца ўмерана-цёплае, з кароткачасовымі дажджамі надвор'е.