Віцебскі святар пра паездкі школьнікаў на зборы з баевікамі з «ДНР»: «Мы ездзілі ў Расію, ездзім і будзем ездзіць»
У нядзелю, 15 мая, мы апублікавалі матэрыял пра тое, як «вайскова-патрыятычныя» клубы пры Віцебскай епархіі адпраўлялі школьнікаў з Талачына, Друцка і Віцебска на ваенна-палявыя зборы ў Расіі пад кіраўніцтвам неанацыстаў і ўдзельнікаў баявых дзеянняў у Данбасе.
З просьбай патлумачыць, як так выйшла, мы звярнуліся да протаіерэя Аляксандра Кавалёва — кіраўніка аддзела па справах моладзі Віцебскай епархіі.
«Якія неанацысты? Напісаць і сфатаграфаваць можна што заўгодна, — адказаў ён. — Што да Мільчакова… А вы можаце на 100% пацвердзіць усё гэта? Калі б я верыў усяму таму, што бачу ў інтэрнэце і тэлебачанні, то ведаеце, я б даўно з глузду з'ехаў», — сказаў Кавалёў.
На ягоную думку, усё напісанае — фэйк, створаны з мэтай «разладу».
Протаіерэй Аляксандр Кавалёў. Фота vitprav.by.
«Чаму вам гэта так не падабаецца? Косткай у горле ў вас тэма гэтая стаіць, — лічыць протаіерэй. — Ёсць ваенна-патрыятычныя клубы, яны павінны сустракацца адзін з адным, яны павінны разам спаборнічаць, гэтыя дзеці. Усё ў межах закону. А тое, пра што вы пішаце, гэта адмыслова каб гэтага не было. Але гэта будзе, разумееце, усё роўна гэта будзе», — сказаў Кавалёў.
«Я не пра фашыстаў кажу. Пра тое, што ваенна-патрыятычныя клубы былі, ёсць і будуць. Пад апекай казакоў, пад апекай былых вайскоўцаў, разумееце. Мы ездзілі ў Расію, ездзім і будзем ездзіць», — дадаў ён.
Цяпер чытаюць
Азараў закрыў план «Перамога» і перавёў усіх удзельнікаў у рэзерв12
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве2828
Каментары