Дзяржаўны сакратар ЗША Джон Керы заяўляе, што НАТА не вернецца да тых стасункаў з Расіяй, якімі яны былі раней, да выканання Мінскіх дамоўленасцей у поўным аб'ёме.
Пра гэта Кэры заявіў сёння на прэс-канферэнцыі ў Бруселі з нагоды першага дня пасяджэння міністраў замежных спраў краін-членаў Паўночнаатлантычнага альянсу.
«НАТА павінна быць адкрытым для палітычнага дыялогу з Расіяй, але мы ўстрымаемся ад звычайнага супрацоўніцтва да выканання Мінскіх дамоўленасцей у поўным аб'ёме. І гэта крытычна. Не рабіце ніякіх памылак. Мы не прызнаем анексію і акупацыю Крыма», — падкрэсліў Кэры.
Паводле яго слоў, міністры замежных спраў краін-сяброў НАТА сёння «перагледзяць працу па ўмацаванні ўсходняга флангу».
«Ключавы аспект нашай рэакцыі на дзеянні Расіі ва Украіне — гэта выкананне абавязацельстваў, узятых ва Уэльсе адносна інвестыцый у абарону, працяг узмацнення нашых магчымасцяў. Менавіта таму мы робім свой уклад у 3,4 млрд даляраў у ініцыятыву еўрапейскіх гарантый», — падкрэсліў дзяржаўны сакратар.
Ён таксама адзначыў, што ЗША цалкам адданыя палітыцы «адкрытых дзвярэй» НАТА.
