Мінэканомікі Расіі прапануе забараніць чыноўнікам і вайскоўцам весці рабочую перапіску праз мабільныя прыкладанні замежных распрацоўшчыкаў. Абмежаванні могуць закрануць электронную пошту Gmail ад Google і папулярныя месенджары WhatsApp, Viber, Skype і Telegram.
Фота Дзмітрыя Азарава, kommersant.ru
Свае ідэі міністэрства ўжо накіравала прэзідэнту Уладзіміру Пуціну. Гаворка можа ісці пра страты толькі месенджарамі аўдыторыі, якая перавышае 2,5 млн чалавек. Па меншай меры частку з іх падхопіць будучы дзяржаўны аналаг, распрацоўкай якога прапанавана заняцца Mail.ru і Інстытут развіцця інтэрнэту.
Мінэканомікі ўнесла даклад з прапановамі па прыярытэце закупак расійскага праграмнага забеспячэння і абсталявання прэзідэнту Уладзіміру Пуціну 26 мая. Сярод прапанаваных міністэрствам мер — усталяванне заканадаўчай забароны на выкарыстанне вайскоўцамі і дзяржаўнымі грамадзянскімі службоўцамі для перадачы электронных паведамленняў у службовых мэтах замежнага ПА, у тым ліку мабільных прыкладанняў на смартфонах.
Такім чынам, чыноўнікам і ваенным могуць забараніць весці рабочую перапіску з паштовых скрынь на Gmail.com і ў папулярных месенджарах WhatsApp, Viber, Telegram.
Прадстаўнік Мінэканомікі Алена Лашкіна пацвердзіла «Коммерсанту», што для службовых мэтаў плануецца выкарыстанне толькі расійскіх месенджараў, дадзеная пазіцыя ўзгодненая з Мінкамсувязі, Мінпрамгандлю і Інстытутам развіцця інтэрнэту.