Сабекошт здабычы газу для кампаніі «Газпром» складае 20 даляраў за тысячу кубаметраў з улікам падаткаў, што з'яўляецца самым нізкім паказчыкам у свеце, пішуць «Ведомости».
Захаваць сабекошт здабычы на такім узроўні, заявіў намеснік старшыні праўлення «Газпрама» Аляксандр Мядзведзеў, атрымоўваецца нягледзячы на распрацоўку новых цяжкадаступных радовішчаў.
У студзені - красавіку 2016 года, паводле дадзеных Міністэрства эканамічнага развіцця, цана на расійскі газ на мяжы Нямеччыны склала 161,9 даляра за 1.000 кубічных метраў.
Расійскі газ цяпер самы танны ў Еўропе, паведаміла выданню аналітык Vygon Cоnsulting Марыя Бялова. Такая сітуацыя, па яе словах, склалася з-за падзення сусветных цэнаў на нафту, а не з-за нізкага сабекошту здабычы. Кошты ў кантрактах «Газпрома» прывязаныя да цаны кошыка нафтапрадуктаў, нагадала яна.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары