У Лунінцы, цэлячыся ў сабаку, скуралуп стрэліў карцеччу ў вокны дома
У пакоі ў гэты час спаў 11-гадовы хлопчык. Дзіця і яго бабуля знаходзяцца ў стане стрэсу.
Здарэнне адбылося 2 чэрвеня каля 5-й раніцы літаральна ў цэнтры Лунінца.
— Я прачнулася ад стрэлаў і дзіўнага звону, прачнуўся і перапалохаўся ўнук, — распавядае жыхарка прыватнага дома, што на вуліцы Міру, Святлана Іванаўна Казімірава. — Я выбегла на вуліцу, убачыла мужчыну са стрэльбай, стала крычаць на яго, каб сыходзіў, а ён з усмешкай сказаў: не ў цябе ў двары страляем.
І тут жанчына ўбачыла, што шыбы ў двух вокнах дома пашкоджаны. Яна жахнулася.
— Страшна ўявіць, што магло адбыцца, калі б я не зачыніла вокны на ноч, — распавядае ўсхваляваная Святлана Іванаўна. — Тут, у пакоі, спаў унук. Ён вельмі моцна напалоханы, давялося даваць дзіцяці заспакаяльнае.
Святлана Іванаўна звярнулася ў міліцыю. Яна таксама паведаміла, што да яе прыходзілі з ЖКГ і сказалі, што заменяць вокны. Аднак яна настроена катэгарычна: вінаватыя павінны панесці пакаранне.
— Мы не павінны жыць і баяцца, што за вокнамі страляюць, — абагульняе жанчына, — і бачыць каля сваiх дамоў забітых жывёл.
Падкрэслім, што гэта не першы выпадак, калі скуралупы трапляюць па вокнах. Пра гэта сведчыць каментар, пакінуты на сайце media-polesye.by чытачом.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары