Танк Cruiser Mk1 Sentinel быў адноўлены і адпраўлены ў Аўстралійскі музей танкаў і артылерыі беларускім распрацоўшчыкам камп'ютарнай гульні «Свет танкаў», паведаміла кампанія.
Sentinel («Вартавы») быў адзіным танкам, які быў распрацаваны і серыйна вырабляўся ў Аўстраліі падчас Другой сусветнай вайны.
Усяго захаваліся толькі 7 такіх баявых машын, гэты танк знаходзіўся ў прыватнай калекцыі гісторыка Жака Літлфілда ў ЗША.
У 2009 годзе гісторык памёр, а ягоную калекцыю пачалі прадаваць па частках. У 2014 годзе Wargaming набыў Sentinel, а потым у Аўстраліі правялі рэстаўрацыю танка.