Амерыканскія жаўнеры будуць жывымі «баявымі электрастанцыямі»
Бой сучаснай пяхоты робіцца ўсё больш складаным і высокатэхналагічным: жаўнеры выкарыстоўваюць усё больш электраэнергіі — для сродкаў сувязі, аптычных і лазерных прыцэлаў, сістэм цэлеўказання, прыбораў начнога бачання, дальнамераў.
Нават міні-беспілотнікі могуць з'явіцца на ўзбраенні звычайнай пяхоты.
У выніку пры ўсіх намаганнях знізіць вагу жаўнерскага рыштунку, пехацінец вымушаны несці ўсё больш разнастайных акумулятарных батарэй.
Але запас акумулятараў не заўсёды будзе можна аператыўна аднавіць падчас баявых дзеянняў на фронце ці ў тыле ворага. Таму вучоныя і генералы Пентагона шукаюць альтэрнатыўныя спосабы захаваць і выпрацаваць электраэнергію, піша афіцыйны партал armytimes.com.
Як мінімум тры новыя сістэмы рыштунку для звычайнага амерыканскага пехацінца распрацоўваюцца зараз для таго, каб жаўнер сам зрабіўся мініэлектрастанцыяй.
Першая - Lightning Pack Rucksack Harvester - сістэма ўбудаваная ў заплечнік. Заплечнік «скача» па плячах жаўнера, калі той бяжыць ці ідзе.
У выніку можа выкарыстаць гэтую энергію, адначасова зрабіўшы ўдары па плячах менш моцнымі. Калі жаўнер крочыць з хуткасцю да 5 км/г, то атрымліваецца крыніца току ў 4 Вт, а з хуткасцю да 7 км/г — каля 40Вт.
Другая сістэма — проста лёгкая і гнуткая сонечная батарэя, якая чапляецца зверху на заплечнік байца. Абмежаванні вядомыя — дрэннае надвор'е, аднак пры гэтым рэч можа атрымацца параўнальна вельмі таннай і лёгкай. Пры гэтым яна не патрабуе ад жаўнера руху, і зламацца ў ёй амаль нічога не можа.
Канешне, спецыялісты яшчэ будуць ацэньваць, наколькі кошт будзе адпавядаць эфектыўнасці ў кожным выпадку.
Аднак, калі не адбудзецца рэвалюцыя ў сферы акумулятараў, хутчэй за ўсё ў найбліжэйшыя 5 год мы ўбачым, як жаўнеры самых сучасных армій свету самі пачнуць вырабляць як мінімум частку энергіі для свайго палявога рыштунку.
-
Кароткія тэксты ад штучнага інтэлекту замест спасылак — Google запусціў новую сістэму пошуку
-
Samsung збіраецца паставіць на смартфонах яшчэ адзін штучны інтэлект, акрамя Gemini
-
«Абсалютна нечаканыя і невытлумачальныя падзеі адбываюцца цяпер каля Зямлі». Выбух сонечнай плазмы паказвае рэкордную хуткасць
Учора Мінск зноў затапіла. Чаму сталіца не гатовая да дажджоў?4
Каментары