У мінскай фан-зоне Еўра-2016 будуць навучаць беларускай мове
10 чэрвеня ў парку Перамогі на набярэжнай Свіслачы пачне працу фан-зона чэмпіянату Еўропы па футболе.
Фан-зона «Аліварыя» можа прыняць адначасова некалькі сотняў заўзятараў. Для іх працуе кафэ, дзе можна набыць закускі і выпіць кухаль халоднага піва. Матчы трансліруюцца на вялікіх экранах.
У фан-зоне пакажуць усе матчы Еўра-2016.
Акрамя таго, фан-зона стане месцам для адпачынку не толькі футбольных заўзятараў, але і ўсіх гараджан. Наведвальнікаў чакаюць:
● сустрэчы з вядомымі людзьмі са свету футбола і не толькі,
● майстар-класы ад спартыўных каментатараў,
● забаўляльныя актыўнасці: кікер, фотаатракцыён, конкурс прагнозаў і спаборніцтвы на спрыт валодання футбольным мячом,
● моўныя курсы «футбольнай» беларускай і інш.
Час працы фан-зоны: з 15.00 (у дні матчаў).
Уваход вольны.
Адрас: Парк Перамогі, Велакавярня (набярэжная Свіслачы, скрыжаванне з вул. Машэрава).
Расклад найбліжэйшых матчаў:
10 чэрвеня: 22.00 Францыя — Румынія
11 чэрвеня:
16.00 Албанія — Швейцарыя
19.00 Уэльс — Славакія
22.00 Англія — Расія
12 чэрвеня:
16.00 Турцыя — Харватыя
19.00 Польшча — Паўночная Ірландыя
22.00 Германія — Украіна
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары