У Марсэлі перад футбольным матчам Англія — Расія зноў працягнуліся сутыкненні фанатаў — расійскіх, англійскіх і французскіх. Паліцыі прыйшлося ўжыць слёзацечны газ, пацярпелі некалькі чалавек.
У французскім горадзе Марсэлі, дзе ў суботу а 22-й адбудзецца матч паміж зборнымі Англіі і Расіі па футболе, зноў адбыліся сутыкненні расійскіх, англійскіх і французскіх заўзятараў, паведамляе тэлеканал BFM TV са спасылкай на дадзеныя паліцыі.
Сутыкненні аднавіліся каля Старога порта. Паліцыі прыйшлося прымяніць слёзацечны газ, пасля чаго фанаты сышлі на суседнія вуліцы. Некаторыя з іх працягвалі змагацца ў натоўпе, зрываючы адзін з аднаго футболкі і разбіваючы пляшкі з півам, адзначае тэлеканал. У ходзе сутыкненняў, як перадае тэлеканал, пацярпелі некалькі чалавек.
«Паліцыя ўмяшалася ў бойку паміж прыхільнікамі англійскай, расійскай і французскіх каманд у раёне Старога порта. Сітуацыя нармалізавалася», — распавёў прэфект паліцыі Ларан Нуньес.
Ён дадаў, што паліцыя робіць усё магчымае для прадухілення боек і з'яўлення беспарадкаў. Нуньес сказаў, што арыштаў не было.
Паводле інфармацыі The Independent, адзін з заўзятар зборнай Англіі пасля атрыманых траўмаў знаходзіцца ў крытычным стане.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі13
Каментары