Белстат апублікаваў статыстыку аб колькасці беларусаў, якія маюць лішнюю вагу. Гэтыя звесткі былі атрыманыя па выніках выбарачнага апытання хатніх гаспадарак. Лішняй вагой лічыцца індэкс масы цела роўны 30 кг/м2. Індэкс масы цела разлічваецца як адносіны масы чалавека (у кг) да квадрата яго росту (у метрах).
Паводле статыстыкі, лішняя вага ёсць у 25,8% беларусаў. Гэтая лічба штогод расце, пяць гадоў таму яна складала 21%.
Ёсць розніца паміж жанчынамі і мужчынамі. Доля жанчын з лішняй вагой складае 30,4%, а мужчын — 19%.
Што да рэгіянальных адрозненняў, то выявіць пэўныя тэндэнцыі складана. Найбольшая колькасць беларусаў з лішняй вагой на Міншчыне (29,8%) і Віцебшчыне (28%). Найменшая колькасць у Мінску (22,7%) і на Гомельшчыне (25,5%).
0
0
0
0
0
0
