Пра гэта распавёў сёння кіраўнік дзяржавы Аляксандр Лукашэнка на рабочай сустрэчы, дзе прысутнічалі прэм'ер-міністр Андрэй Кабякоў і старшыня праўлення Нацбанка Павел Калаўр.
«Я крыху затрымаўся. У нас сёння шчаслівы дзень у плане бяспекі і абароны. Нашым вайскоўцам за тыя мізэрныя грошы, якія ім далі, удалося распрацаваць і выпрабаваць ўжо сёння створанае ў Беларусі ракетнае ўзбраенне. Ажыццёўлены пуск ракетных комплексаў», — адзначыў кіраўнік краіны ў пачатку сустрэчы.
«Выпрабаванні прайшлі вельмі паспяхова. Ракеты пабілі цэлі за паўтара метры літаральна ад зададзеных цэляў — першы залп. Другі залп — літаральна за дзясятку метраў. Гэта ідэальна. Гэта ракетныя комплексы, якія створаны ў нас у Беларусі на працягу двух гадоў», — падкрэсліў кіраўнік дзяржавы.
Відэа Мінабароны
Аляксандр Лукашэнка даручыў Андрэю Кабякову разгледзець пытанне аб прадстаўленні да дзяржаўных узнагарод тых, хто ўнёс свой уклад у стварэнне адпаведнага ўзбраення. «Прытым без усялякіх абмежаванняў. Хто заслужыў, павінны атрымаць гэтыя ўзнагароды. Гэта найвялікшае дасягненне», — дадаў кіраўнік краіны.
30 мая былі завершаныя дзяржаўныя выпрабаванні беларускай ракетнай сістэмы залпавага агню «Паланэз», vpk.gov.by
