Тры чалавекі загінулі ў выніку непагадзі, якая абрынулася на Польшчу 17 чэрвеня. Павалена мноства дрэў, узніклі затрымкі ў руху цягнікоў, парваныя лініі электраперадачы.
Дадзеныя з метэарадара па стане на 18:55
Яе паведамляе БелаПАН са спасылкай на gazeta.pl, адзін чалавек загінуў у выніку падзення дрэва на аўтамабіль, яшчэ двое — з-за абвальвання сцен будынкаў, якія ўзводзяцца.
Тым часам на Гродна ўжо абрынуўся лівень са шквалістым ветрам, паведамляе БелТА.
Стыхія прынесла пашкоджанні ў абласным цэнтры і Гродзенскім раёне. На 17.30 у МНС паступіла каля 20 паведамленняў аб падзеннях дрэў, паступаюць паведамленні аб адключэнні электрычнасці ў некаторых населеных пунктах Гродзенскага раёна. Ёсць выпадкі пашкоджання дрэвамі аўтамабіляў, пашкоджанні шыферу. У вёсцы Новая Русота ўпала дрэва і заблакавала выхад з хаты. Відавочцы паведамляюць пра пагрозу падзення крыжа на адным з храмаў.
Навальніцы, залевы і штармавы вецер прынёс халодны атмасферны фронт. Гідрамет распаўсюдзіў штармавое папярэджанне: з 17.00 да 23.00 на большай частцы тэрыторыі краіны і Мінскай вобласці чакаюцца навальніцы і ўзмацненне ветру парывамі да 15—20 м/с. Навальніцы і моцны парывісты вецер захаваюцца ў ноч на 18 чэрвеня.
