Аператар velcom запусціць у Беларусі мабільную станцыю з 30-метровай мачтай, якая будзе выкарыстоўвацца для павышэння якасці сувязі ў цяжкадаступнай мясцовасці і месцах масавага збору людзей.
Перасоўную базавую станцыю збяруць па эксклюзіўным праекце. Вышыня мачты складзе рэкордныя 30 метраў — гэта будзе самая вялікая «сота на колах», якая калі-небудзь выкарыстоўвалася ў Беларусі. Яна зможа адначасова абслугоўваць некалькі тысяч абанентаў у радыусе 5 кіламетраў.
Мабільны комплекс будуць прымяняць у якасці альтэрнатывы стацыянарнай вышцы ў цяжкадаступнай мясцовасці, а таксама для павышэння ёмістасці сеткі падчас масавых мерапрыемстваў.
Новы мабільны комплекс можа з'явіцца ў Беларусі ўжо налета. Ён папоўніць «аўтапарк» velcom, які цяпер налічвае сем мабільных базавых станцый. Тэхналогія ўнікальная для Беларусі: пакуль яе ніхто больш не выкарыстоўвае, падкрэсліваюць у кампаніі.