Два школьнікі патанулі ў Бярозе 22 чэрвеня ў кар'еры ў Заводскім завулку.
Як паведаміў прэс-сакратар Брэсцкага абласнога ўпраўлення МНС Сяргей Машноў, у 12.41 у Бярозаўскі раённы аддзел па НС паступіла інфармацыя аб тым, што ў вадаёме тонуць два чалавекі.
Работнікі МНС, якія прыбылі да месца выкліку, не знайшлі ў акваторыі кар'ера асоб, якія церпяць бедства.
Патанулых знайшлі на чатырохметровай глыбіні за 15 і 20 метраў ад берага. Без прыкмет жыцця 14-гадовы і 16-гадовы школьнікі былі перададзены брыгадам хуткай медыцынскай дапамогі. Тыя канстатавалі смерць падлеткаў.
Памеры вадаёма 150х220 метраў. Ратавальнага паста там няма.
Загінулыя жылі ў Бярозе.
0
0
0
0
0
0
