Не менш за сотню чалавек пацярпелі пры сутыкненні цягнікоў у паўднёваафрыканскай правінцыі Квазулу-Натал, паведамляюць інфармагенцтвы.
У цяперашні час пасажырам аказваецца медыцынская дапамога. Абставіны аварыі ўдакладняюцца.
Дарожна-транспартныя здарэнні на чыгунцы ў ПАР адбываюцца даволі часта. Гэта звязана з тым, што больш за 90% прыгарадных цягнікоў у краіне эксплуатуюцца больш за паўстагоддзя. Так, у студзені 2013 года пры сутыкненні ў ПАР прыгарадных цягнікоў пацярпелі каля 200 чалавек. У ліпені 2014 года з-за аналагічнага надзвычайнага здарэння былі параненыя дзясяткі чалавек, у ліпені 2015 года — больш за 400 пасажыраў.
0
0
0
0
0
0
