112.by
Увечары 23 чэрвеня на пляжы каля санаторыя «Машынабудаўнік» у пасёлку Чонкі Гомельскага раёна 14-гадовы школьнік праткнуў руку, пералазячы праз металічную агароджу.
Як паведамілі ў Гомельскім абласным упраўленні МНС, хлопчык па неасцярожнасці праткнуў руку металічным прутам стрэлападобнай формы дыяметрам 15 мм. Школьнік не мог самастойна вызваліць руку і знаходзіўся ў падвешаным стане на агароджы. Відавочцы выклікалі ратавальнікаў.
Работнікі МНС з дапамогай спецыяльнай прылады абрэзалі фрагмент металічнай агароджы і вызвалілі дзіця. Пацярпелы шпіталізаваны з папярэднім дыягназам «ірваная рана правай кісці». Стан здавальняючы, пагрозы жыццю няма, адзначылі ў МНС.
0
0
0
0
0
0
