У ноч на 1 ліпеня ў Беларусі адбылася дэнамінацыя. На купюрах зніклі чатыры нулі, затое ўпершыню з савецкіх часоў з'явіліся манеты.
Маладыя беларусы ўпершыню сутыкаюцца з дэнамінацыяй, астатнія памятаюць адкідванне нулёў у 1994 і 2000 гадах.
Нагадаем, з 1 ліпеня ўводзяцца ў абарот сем новых банкнот і восем новых манет.
Найменшая банкнота будзе адпавядаць ранейшым 50 тысячам рублёў. Гэта значыцца, усе дробныя плацяжы будуць выконвацца ў манетах.
Да 31 снежня 2016 года новыя і старыя грошы будуць выкарыстоўвацца паралельна. Бегчы і тэрмінова пазбаўляцца ад старых купюр няма сэнсу — рэшту могуць зноў надаваць старымі грашыма.
У 2017-2019 гадах купюры можна будзе бясплатна памяняць у банках, у 2019-2021 — у Нацбанку. Гэтага часу дакладна хопіць усім.
Каментары